Lesson Two

فاش قام نتعلم فالجافاسكريبت ؟

قبل ما نحكي على javascript يقول القايل علاش الواحد يتعلم يبرمج من أصلو، أنا من وجهة نظري الغرام هو ال BASE ما نتساش انك لكثرية باش تولي تخدم نهار آخر كمبرمج و من أخيب الحاجات إلي يعملها الإنسان في روحو (ما عدا لظروف خارجة عن نطاقو) إنو يخدم في حاجة ما يحبهاش.

علاش Javascript مش C# ، Ruby، Java...

نرجع مرة أخرى للغرام و إلا "الكيف"، كانك مازال ما قررتش شنوا باش تتعلم نصيحتي انك تجرب إلي تنجم و شوف غرامك وين يطيح تقريبا مفماش حاجة خايبة باش نقربلك الصورة أكثر كما الغلة : مثلاً التفاح و البرتقال كل إنسان و شنوا يحب و كل غلة عندها منافعها. بطبيعة فما شكون يحب الزوز :) donc تنجم تتعلم أكثر من لغة برمجة (و هذاكا شنوا بش يصير )

باهي كتونسي لاش يصلحلي ؟

  • JS ضارب : أعمل بحث على "programming language ranking" و شوف بعينيك
  • فيه فلوس : ما عنديش إحصائية على تونس أما تنجموا تعملو طلة على جوجل كيف العادة "javascript developer salary"
  • Visa : كان عندك نية تخرج تخدم فالخارج ال JS ينجم يعاونك برشة خاصة كان تحترف framework و إلا ثنين كما Angular، React ، Meteor...
  • سوق الشغل التونسية : كيف كيف حتى عنا مطلوب برشا

ملخص الهدرة الآفاق و الفلوس موجودة أما كان ما عندكش كيف حاول تصنعو و إلا شوف قلم آخر. أما رد بالك الكيف ما يمثل كان نسبة 10-20 % و العزيمة و الإنضباط الباقي

alt text