الجافاسكريبت هي وحدة من أشهر لغات البرمجة فالعالم اليوم و يتم استخدامها على برشة منصات
تم انشاؤها في سنة 1995 كلغة برمجة نصية و كانو يستعملاها فقط للبرمجة التفاعلية على صفحات الويب أما تو تنجم تستعملها في برشة حاجات أخرى. يعني JS توا ولات لغة برمجة متنوعة و متطورة أكثر و زيد عندها العديد من المستخدمين.
علاش لازمك بالحق تستعمل الجافاسكريبت ؟
سواء عندك خبرة سابقة فالبرمجة و إلا ما تعرف شيء، ساهل باش تتعلم الجافاسكريبت. بالطبيعة كان عندك خبرة سابقة باش يكون أسهل برشا خاطر الأساسيات قريبة ياسر.
الجافاسكريبت مستعمل برشة مع HTML و CSS و مش صعيب تتعلمهم الزوز زادة باش توسع معرفتك و تطور مهاراتك
تنجم تبرمج بالجافاسكريبت على أي حاسوب. Android studio ينجم يقلق العباد إلي ما عندهاش حاسوب قوي، برمجة تطبيقات iOS ينجم ينجم يكون مشكل كبير خاطر تستحق MAC OS
أما JS لا ، تنجم حتى تحل developer’s console متع متصفح الواب و تبدى تبرمج
تقريبا باش تتعلم الجافاسكريبت ما تستحق تدفع حتى فرنك :
تنجم تخدم على محرر نصوص (text editor) بلاش ، المكتبات (libraries ) بلاش ، الهياكل (frameworks ) بلاش
زادة فما برشا مصادر للتعلم مجانا كما يوتيوب،codeacademy، freecoecamp،w3schools
مش صعيب بش تبدا مش هكا ؟
الجافاسكريبت عندها شعبية واسعة عند المبرمجين. في إستطلاع للرأي أجري على 64 مبرمج من جميع أنحاء العالم في الموقع الشهير stack overflow ، ثبت أن الجافاسكريبت هو أشهر و أكثر لغة برمجة مستعملة حاليا.
باش تاخو فكرة أكثر على قداش ضارب الجافاسكريبت أعرف انتي إنو في stack overflow فما سؤال جديد على JS كل 3 ثواني.
مل الأول تم تطوير الجافاسكريبت باش يخدم كان على متصفح الويب أما بعد ما طلع node.js في سنة 2009 كل شيء تبدل. توا JS يخدم على خادم الويب (web server) يعني JS ما عادش
من أحسن الحاجات فالجافاسكريبت توفر عديد الهياكل و المكتبات المفتوحة المصدر إلي يخلي برمجة تطبيقات بلغة الجافاسكريبت من أسهل ما فما. أي برنامج تتخيل تعملو فما هيكل يلبيلك احتياجاتك. تحب تعمل تطبيق أندرويد ؟ لا ما تتستحقش android studio تنجم ب React.js
تحب تطبيقة واب صفحة واحدة عندك Angular و إلا Vue.js
نتصور هذا يخلي JS من أكثر لغات البرمجة إلي لازم واحد باش يتعلمها في سنة 2018
الجافاسكريبت أصبحت لغة برمجة مشهورة جدا و ما فماش وقت خير من تو باش واحد يتعلمها. فرص العمل ، سهولة التعلم و برشا حاجات أخرى تخليك تتعلم و تستعمل الجافاسكريبت في مشاريعك القادمة.
فما آلاف الموقع وين تنجم تتعلم الجافاسكريبت منها موقعها إلي يعلمك بلهجتك التونسية
ابدى و ماكش باش تندم
رابط المقال الأصلي : https://medium.com/@Prashacharya/should-you-learn-javascript-in-2018-dd61cc777bba